चिर्पटले हानेर छिमेकीको हत्या, एकजना पक्राउ

दाङ । रोल्पामा एक जनाको हत्या भएको छ । परिवर्तन गाउँपालिका ६, बागमाराका ४० वर्षीय मनबहादुर बादीको हत्या भएको रोल्पाका प्रहरी निरीक्षक शंकर खड्काले जानकारी दिए ।

हत्याको आरोपमा स्थानीय ४४ वर्षीय रामचरण बादीलाई पक्राउ गरेर थप अनुसन्धान भइरहेको उनले बताए । उनले चिर्पट दाउराले हानेर मन बहादुरको हत्या गरेको स्वीकार गरेका प्रहरीले जनाएको छ ।