स्याङजामा पहिरोले पुरिदा एकाघरका ९ सहित १० को मृत्यु, एक घाईतेको उपचार हुदै

स्याङ्जा, असोज ८ । तीन दिनदेखि परेको अबिरल वर्षाले स्याङजामा बिहीबार बिहान गएको पहिरोमा परी एकाघरका ८ जना सहित १० को मृत्यु भएको छ भने एक जना घाईते भएका छन् ।

वालिङ नगरपालिका वडा नं. १४ तमादिका एकाघरका ८ जना र कालीगण्डकी गाउँपालिका ४ गौतमडाँडाका एक गरी १० जनाको ज्यान गएको हो ।

पहिरोमा परी तमादीका १६ बर्षे मनिषा नेपालीको भने जिबितै उद्धार गरिएको छ । उनको पोखरामा उपचार भैरहेको छ ।

पहिरोमा परी ज्यान गुमाउनेमा १४ बर्षे बिक्रम नेपाली, १९ का बिनिता नेपाली, २१ का कुलदिप नेपाली र ७ महिनाका एक बालक छन ।

यसैगरी, २८ का उमाकला नेपाली, ४८ का माया नेपाली, ३० को दिपक नेपाली, ६० का सानी नेपाली र ९ बर्षे बिबश नेपाली मृत भेटिएको प्रहरी नायब उपरीक्षक राजेन्द्र अधिकारीले जानकारी दिनुभयो ।

पहिरोमापरि ४ महिला, ४ पुरुष र एक ७ महिने नाबालकको ज्यान गएको हो । तमादिमा ज्यान गुमाउनेमा २८ बर्षे उमाकला बाहेक अन्य सबै एकाघरका हुन् ।

जिल्लामा पहिराका कारण दर्जनौं सडक अवरुद्ध छन ।