%20(1)%20(1).gif)
मिनस्क । बेलारुसमा लगातार ६ सातादेखि राष्ट्रपतिको राजीनामा माग गर्दै मुलुकका विभिन्न सहरमा बृहत प्रदर्शनहरु भएपछि राष्ट्रपति एलेक्जेन्डर लुकाशेन्कोले सेनालाई उच्च सतर्कताको अवस्थामा रहन निर्देशन दिएका छन् । त्यसैगरी उनले पश्चीमी सीमा पोल्यान्ड र लुथियानासँगको सीमानाका पनि बन्द गर्न निर्देशन दिएका छन् ।
पश्चिमा मुलुकहरुको सक्रियतामा देशभर विरोध प्रदर्शनहरु भइरहेको आरोप लगाउँदै आएका राष्ट्रपति लुकाशेन्कोले बिहीबार यस्तो निर्णय गरेका हुन् । उनको यस्तो आरोपपछि अमेरिका र युरोपियन युनियले चर्को आलोचना गरेका छन् ।
अगस्त ९ मा भएको निर्वाचनमा राष्ट्रपति एलेक्जेन्डर लुकाशेन्कोले धाँधली गरेको भन्दै उनीहरुविरुद्ध प्रदर्शनहरु सुरु भएका हुन् । तर, निर्वाचन आयोगले सन् १९९४ बाट शक्तिमा रहेका लुकाशेन्काले ८० प्रतिशतभन्दा बढी मत पाएको र मुख्य विपक्षी स्भेट्लाना तिखानोभ्स्कायाले १० प्रतिशतभन्दा केही बढी भोट पाएको जनाएको थियो ।
प्रदर्शनलाई दबाउन राष्ट्रपत लुकाशेन्काले प्रहरी परिचालन गर्न थालेपछि प्रदर्शन थप उग्र बन्दै गएको थियो ।
धाँधलीपूर्ण भनिएको निर्वाचनको नतिजा र विगतका प्रदर्शनमा भएको प्रहरी हस्तक्षेपलाई लिएर बढ्दो आक्रोशकाबीच ुस्वतन्त्रताको निम्ति अभियानु भन्ने मूल नाराका साथ प्रदर्शनकारीहरु राजधानी मिन्स्कमा बृहत प्रदर्शनहरु भइरहेका छन् ।
लुकाशेन्को २६ वर्षदेखि शासन गरिरहेका छन् । विरोध प्रदर्शनलाई दबाउन ठूलो संख्यामा सुरक्षाकर्मी परिचालन गरिएको थियो ।
लुकाशेन्कोले वुमन फोरमलाई सम्बोधन गर्दै भने, सडकहरुबाट हामीले सेनालाई फिर्चा बोलाएका छौं । हामीले सनालाई उच्च सतर्कताको अवस्थामा रहन निर्देशन दिएका छौं । त्यसैगरी लुथियाना र पोल्यान्डसँगको सीमानाका पनि बन्द गरेका छौं ।
उनले थपे, ूम चाहन्न कि मेरो मुलुमा कुनै पनि किसिमको युद्ध होस् । म बेलारुस, पोल्यान्ड र लुथियानाबीच कुनै सैन्य तनाव सिर्जना नहोस् भन्ने चाहन्छु ।ू ( अलजजिरा
0 coment rios: